雨僑女兒開學 照例爆喊

歌手羅力威跟雨僑的3歲女兒Harper入讀幼稚園，前日已正式開學，雨僑在網上分享跟老公一齊送女兒返學的照片，寫道：「開學喇，新學年我哋一齊加油呀啤豬（女兒乳名）。」她指女兒雖然得3歲大，已成個「小學雞」，她笑說：「阿媽仲可以長洲飄色咁抱法，下年唔知仲抱唔抱得起。」之前啤豬讀學前班經常爆喊，雖然對住鏡頭她又笑又晒V，但依然有喊，雨僑笑說：「我覺得佢入到去先喊係進步咗嘅。」