雲浩影論盡換衫4人幫手

歌手雲浩影（Cloud）於社交網晒相留言：「眾目睽睽下着唔落件衫，我唔肥㗎，真㗎！可能肥啲啲咁，有時着衫都要搵方法！」原來她之前拍MV時因不想浪費時間，故即場換衣服，但結果貪快得慢，最後要4人合力才成事，她留言：「以下係大家耐心想法（如有雷同一定唔係巧合）導演：overrun緊呀，希望可以快啲換好衫；經理人：點解阿女唔返房先着呢？造型師：死啦，上個星期先試完，咁快肥到着唔到，唔好逼爆我件衫；化妝師：陣間hi花我個妝又要再補，啲睫毛飛起晒啦；髮型師：唔緊要，啲毛毛我陣間執得番，阿女小心啲。」相當爆笑。