昔日東方自爆結婚冇請冼色麗飲 陳家樂飛車壓力大驚炒車
型男陳家樂、楊天宇和冼色麗前晚出席有份主演的英皇電影《速戰》首映禮，雖然新片早在5年前煞科，但因需加入大量後期CG效果，故製作期較長。家樂表示戲中與天宇飾演飛車的賽車手，但現實生活中卻是安全駕駛者，從不開快車，還自爆：「一直好想考電單車牌，考4、5次都考唔到，最後改考私家車，考咗兩次先Pass。」
楊天宇揸名跑
他憶述拍攝飛車場面時，因倒後鏡被打爛，拍攝時有壓力怕會炒車，曾於公主道及彌敦道拍鬥車戲，他說：「導演同我講如果炒車係我唔啱要賠，但叫我放心，拍攝嗰陣其他車手會配合我，之後我就唔理啦！」他又稱再見5年沒見的舊同事冼色麗感開心，自言結婚時忘了請她，問可會待小朋友百日宴時補請？他則謂：「好遙遠嘅事，如果有百日宴預埋佢。」
天宇亦稱首次在電影中駕駛名跑，心理壓力大。至於擔任女主角的冼色麗在戲中跟男友睇賽車，跟現實中相反，因性格比較文靜，少看有刺激場面的賽事。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
