洪天明拒幫老竇圓孫女夢

藝人洪天明昨日與太太周家蔚及兩名兒子出席活動。問到可有機會聯同爸爸洪金寶三代同堂現身，天明笑言只有跟電影或孫兒有關才能打動爸爸，又爆洪金寶對孫兒寵愛有加：「佢每日都會過嚟探孫仔，日日都問佢哋想食咩就買過嚟，做外賣仔。」天明亦透露最近被父親催生女：「佢之前同個細路女喺電影合作，聽到個小朋友叫佢做爺爺，佢好開心，所以想我生個孫女畀佢。」不過他認為兩個已經夠晒數，坦言太太生肖屬豬，前幾年想生個豬女，但機會已過，故不打算再生，將生女重任交給弟弟。