冇申請入慧妍 林鈺洧：睇吓有冇緣

今晚卸任的港姐冠軍林鈺洧，昨日偕同屆「友誼小姐」邢慧敏綵排時形容心情：「興奮、緊張同唔捨得，剛剛見晒16位佳麗，佢哋狀態好好同好叻。（諗定卸任詞？）一早錄晒音喇！我覺得好Touching。」對於被指形象差而未獲邀加入慧妍雅集，她大方說：「我本人冇申請過（入會），但好欣賞佢哋做善事嘅心態。我唔識點申請，但保母同我講，應該係卸任後先得。（同屆亞、季軍許子萱同梁超怡已經獲邀？）呢個我唔清楚。（想唔想入會？）睇吓有冇緣分識到佢哋（慧妍會員），但其實呢一年我都做咗好多善事，成立咗個小組，做善事無論喺邊都一樣。（港姐冠軍入唔到會，會唔會唔開心？）其實都唔係大問題，最緊要幫到人啫！（被重提形象負面？）呢啲係以前嘅事，我解釋咗無數咁多次，嚟緊只會集中自己嘅事業同興趣，努力行落去。」