COLLAR求變 為So Ching改跳舞台型

女團COLLAR「8變7」後推出新歌《idc（I Don't Care）》，她們直認「少一個」令跳舞台型有變，但認為不是壞事，成員Day坦言：「因為大家都會再落力啲，令件事更加好睇！」她們曾明言不考慮加人代替已退團的So Ching，至今睇法不變，表示：「因為COLLAR就係COLLAR。」對於MV造型被狠批，芯駖說：「作為追求新事物嘅女團要作新嘗試，冇理由做番40年前嘅嘢！咁就一定會帶嚟風險，但我哋唔可以永遠原地踏步，即使面對負評都要選擇向前。」Marf認同表示：「作品推出之前，我哋已確定好鍾意，如果唔鍾意嘅話，係冇人逼到我哋着（MV內服飾）。」Gao則說：「我鍾意每次都有唔同嘅新嘗試，今次去日本拍MV，可以超級浮誇去做任何事，點解要有限制？」