昔日東方生兒育女多顧慮 方力申怕有病 造人前驗身
藝人方力申（小方）與資深戲劇工作者張可堅昨日為將於11月合演的舞台劇《相約星期二》作宣傳，《相》劇改編自同名書籍，首次主演舞台劇的小方表示多年前已讀過這本書，書中名言「愛。永遠勝出」令他印象深刻，表示每次看劇本也會感動落淚，現最擔心的是記台詞：「可能上年中咗Covid後有腦霧。」預計9月中開始綵排。
雙親心急抱孫
問到女友葉萱（Maple）屆時會否每天於後台替他打點？他說：「睇佢鍾意啦，到時畀個Pass佢可以周圍走。」問到他選擇「愛。永遠勝出」是否表示會盡快結婚？他解釋人生是需要親情與愛情的愛：「我哋大家都互相成長緊，情侶最希望有愛之外，就係點令對方成為更好嘅人，我知我到適婚年齡，順其自然啦！（爸媽有冇催婚想抱孫？）佢哋當然講想抱孫，係最近嘅事。（你點答？）順其自然，畀啲時間我。」至於生兒育女問題，他坦言有點擔心，記者笑問他不是擔心錢的問題吧？他笑謂：「呢個係世紀誤會，係擔心小朋友嘅健康，要生個健康小朋友已經唔易，要感恩，所以我都打算驗身，因為之前練水感覺唔夠精神，懷疑自己有病。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
