保錡自認票房毒藥

組合ERROR成員阿Dee、保錡及藝人周家怡早前出席英皇電影《陰目偵信》謝票場，3人在粉絲問答環節中，被問到會否有續集時，由於票房不佳，3人異口同聲說不，引致現場觀眾大笑，保錡更孭飛自稱票房毒藥：「我係自發性孭飛嘅，我唔想影響人哋演戲嘅機會，我自己確實對演戲唔係特別大興趣，所以我做票房毒藥係OK嘅。」對於早前成員193就謝票一事引起爭議，保錡笑指：「謝票就好似謝師宴咁，我自己畢業都冇去到，合則來不合則去。」他們指193之後也有出席謝票場，也認同藝人古天樂指身體狀況不好就不要過於勉強的言論。對於肥仔因餐廳被追數一事，則指做兄弟「講心唔講金」輕輕避開話題。