陳倩揚不停進修 冇晒「煮」意

藝人陳倩揚昨日出席簽約儀式，成為多倫多一物業公司的代言人。問到可會考取地產經紀牌照？她表示現正修讀幕後製作課程：「依家讀咗1年，讀完先再考慮。」身旁的老公陳浩然聞言即笑說：「陳太，唔好再讀好唔好？你再讀我冇飯食，你仲想讀乜我幫你讀晒佢。」陳倩揚自言因忙讀書，老公惟有學煮飯，笑指他現時已練得一手好廚藝，大讚老公是「神隊友」，令她無後顧之憂去不停學習。