謝安琪培養阿仔做煮家男

歌手謝安琪（Kay）昨日出席家電活動，表示暑假期間多了不同類型的工作，並落力自薦：「呢啲工作好啱我，我覺得自己記性好好，無論幾長嘅稿都背到。」她又透露會與女兒Kakaball一起下廚：「我有時間就會揀簡易食譜同佢一齊煮，唔同類型都有，有時甜品，有時整雜菜鍋。」她指囡囡乖巧又有耐性，會自己做早餐搽麵包，至於兒子已經大個仔，會下廚煮簡單的菜式。她自言經常向兒子灌輸「男仔下廚好有魅力」的想法，讓他明白男人最重要的是髮型及廚藝。