岑麗香親子瑜伽 幫囝囝開眼界

藝人岑麗香日前與4歲囝囝參與瑜伽活動，囝囝全程似樹熊般黐實香香，非常可愛。香香表示：「佢咁細個，目標唔係要做到完美動作，反而想佢可以同我做吓運動、開開眼界，畢竟我哋剛由加拿大探親返港，佢仲有少少時差，所以表現算非常叻叻！」已為人母的她身形依然弗爆，她笑言當媽媽非常頻撲，又要抱小朋友，每天似做大量運動，絕對是收身良方。