容祖兒拉筋防五十肩

天后容祖兒的《MY SECRET LIVE》演唱會已完成逾20場，前晚吸引男團MIRROR成員Jer和Jeremy捧場。演唱期間，祖兒跟樂手、舞蹈員教觀眾拉筋防五十肩，之前溫拿樂隊在紅館搞告別演唱會時亦擺過類似的甫士，祖兒笑言：「呢個係溫拿1988年嘅唱片封面，係左手掩住右耳，喺後面兜上嚟，跟住個頭側向左邊。」台下的Jer和Jeremy也跟住做。祖兒續說：「好舒服，條筋好鬆啦，呢個場面震唔震撼？」完騷後，她在社交網上載片段，笑言：「見證大家頸椎健康，深感安慰，我好似聽到我阿媽嘅笑聲，因為佢係溫拿粉絲。」