老公半夜獻情歌 謝安琪超感動

歌手謝安琪（Kay）昨日為《未來音樂祭2023》進行拍攝，透露將推出新歌《成婚破浪》：「首歌係張生（老公張繼聰）寫畀我嘅生日禮物，佢喺我生日當日寫。嗰日食完飯，佢靈感如泉湧咁不停寫歌，到半夜畀咗首歌嘅Demo我聽。我以為佢係幫邊個歌手度身訂造，點知佢話係送畀我，當時好感動同驚喜！」她希望以歌曲道出對婚姻的體會，坦言不一定一帆風順，需要互相扶持才能令婚姻小船長久開下去：「我哋結婚16年，外界以為我哋好好，但其實唔係全部都開心，但感恩能夠搵到一個可以互相依靠嘅人。」