Lottie同家姐姬摩絲唔熟

英國名模姬摩絲（Kate Moss）的25歲同父異母妹妹Lottie Moss，受訪時透露與相差24歲的家姐其實並不親密：「我同家姐從來都唔熟，我哋有好大嘅年齡代溝，佢唔想同我拉上關係。我細個時唔明點解屋企有人唔想同我有關係？不過同身邊唔同嘅人傾過後，明白家庭其實好複雜，雖然姬摩絲地位係咁，都一樣。我哋好多嘢睇法唔同，但我都愛佢。佢係我家姐，但我哋唔親密，現實就係咁。」