龍婷想做理髮師被打沉

藝人龍婷為無綫節目《奇蹟小店》擔任嘉賓，走訪日趨式微的傳統上海理髮店，她透露一直想體驗香港特色傳統文化，故今次趁機落場一試師傅手勢，更指初來港時有感剪頭髮太貴，曾想過投身剪髮行業「慳錢」，惟遭母親一句說話打沉：「我有喺屋企試過幫媽咪剪咗幾次頭髮，諗住我都見人哋剪咗咁多年，咪試吓囉，點知剪完之後媽咪就話：『貴咪貴啲囉，下次我都係出街剪』。」而曹敏寶則走訪香港製造的手製繡花鞋店，笑言至今仍有收藏當年出嫁時所穿的繡花鞋：「我有一仔一女，睇吓邊個跑出先，送畀新抱或者個女。」