陳慧嫻任《中年2》評委收荔枝當酬勞

無綫節目《中年好聲音2》昨日舉行記者會，公布入圍名單，102位參賽者可謂臥虎藏龍，包括專科醫生、中醫、建築師及法律界人士等，最大年紀是67歲的宋子豪及朱育民，兩人直言深受上屆參賽者吳大強影響而追夢。至於幕前出身的黃劍文、劉威煌、姚安娜、羅沛琪、王嘉明及戚黛黛等順利入圍，鄧兆尊弟弟鄧兆榮及孫耀威妹妹孫美賢亦成功入圍，唯獨不見杜德智令人意外，而大會宣布邀得陳慧嫻擔任本屆評委。

慧嫻於台上鼓勵參賽者及分享經驗：「每次上台都當最後一次演出，用歌聲感染觀眾，喺過程突破自己，每次都有進步，希望比賽去到最後，大家唱到攞住個咪唔肯放手。」她受訪時坦言被節目的正能量感動：「唔講錢，呢個節目咁勵志，佢哋畀番幾十斤荔枝我就夠，哈哈！（你有乜夢想仲想去追？）愈唱愈強。（再舉行演唱會？）英皇籌備緊啲嘢，暫時未透露得住。（你最着重參賽者啲乜？）聲底，要有層次感同埋一聽就認出係你，我比較欣賞厚嘅聲線。」