Tyson Yoshi驚畀人認出 少咗去玩

歌手Tyson Yoshi前晚為《維港水上音樂會》擔任表演嘉賓，今次音樂會於躉船上舉行，首次在船上演出的他表示感覺新鮮，問他可會考慮下次在沙灘開騷？他耍手擰頭說：「上次去捧Jeffrey（魏浚笙）場，覺得沙就唔好，有啲驚，因為我自己覺得沙好污糟，純粹個人感覺，平時曬太陽我都會揀石灘，不過都好少出去玩啦，我個頭髮顏色同紋身好易畀人認到。（成日畀人騷擾？）咁又冇，我啲Fans好理性。」他指現時忙於處理去年演唱會DVD，亦正傾談作海外演出，又自爆早前放假時因詢問同事公事而被鬧：「你放假就放假啦！哈哈！」