林夏薇爬水渠見暈

視后林夏薇前晚在無綫新劇《寵愛Pet Pet》化身蜘蛛俠爬水渠，由於拍攝時正值炎夏，穿上多層戲服的她還要吊威吔，直言有中暑感覺：「好彩現場武指好貼心，見我暈暈哋就攞汽水畀我飲，好感動！其實我鍾意吊威吔，但冇乜機會拍打戲，對上一次已經係2013年嘅《寒山潛龍》。」談到劇中與周嘉洛譜姊弟戀，她笑說：「開頭唔知對手係佢，知道係佢後即刻諗『吓，咁細個？得唔得㗎？』現實中我冇接觸過姊弟戀，拍攝時同佢有諗過點樣夾會好啲，一開工就覺得默契幾好，佢係一個好靈活嘅創作型藝人。」