吳鎮宇靠樣搵食 動作戲加倍小心

藝人吳鎮宇於邱禮濤執導的懸疑推理電影《暗殺風暴》中，有一場跟張智霖摸黑衝入水庫隧道救人的戲份，期間遇上爆炸，要狂跑一段路再飛撲出隧道跌向地面，鎮宇說：「走入隧道後地面都係水，我話一定要走一次，睇對鞋適唔適合，同有冇一啲地方低咗落去，要熟悉個路線，同埋大家撲嘅位置要執乾淨所有危險嘅嘢（指沙石雜物），我每次做呢啲危險動作都係清清楚楚，因為身體係自己嘅。夜晚拍動作戲係唔簡單，又水又爆炸，要搞得好清楚。」他笑言不是動作演員，要靠面口搵食，拍動作戲會加倍小心。