不滿劉思慕攬腰賴恩當眾發爛渣

真人版《Barbie芭比》（Barbie）熱爆全球，近日網上瘋傳一條上月攝於加拿大的短片，當日兩位「阿Ken」賴恩高斯寧（Ryan Gosling）與華裔男星劉思慕（Simu）一同出席宣傳活動，期間賴恩因不滿合照時被攬腰而責怪劉思慕：「唔好咁攬我，老友，你都唔想我咁樣掂你啦！」劉思慕即縮手並尷尬說：「哦！你唔想咁……係咪因為太溫柔？合理呀！」

片段在網上引起熱議，有網民批評劉思慕，叫他觸摸別人前應問准對方；有人則認為他們只是「角色上身」，如劇情一樣扮不和搞氣氛；當事人劉思慕亦拆彈，澄清冇不和：「佢喺各方面都係最好嘅人，尤其是喺紅地氈同片場開玩笑嗰陣，用佢嘅Kenergy（阿Ken能量）感染我哋所有人。」並不忘叫大家將焦點放回支持演員及編劇爭取公平薪酬的工潮。