張智霖被封「帥老頭」

有「不老男神」之稱的張智霖（Chilam），近年不時以白髮白鬚示人，更曾自爆體力下降，無法捱通宵工作，打算在5年內退出幕前，令網民慨嘆「不老男神也會老」。近日有網民野生捕獲Chilam及老婆袁詠儀（靚靚），見Chilam以白色Polo衫配長褲，再戴上圓框眼鏡，梳上九一分界，一身書生打扮文質彬彬，雖然明顯見到兩鬢斑白，但有型度不減，獲網民笑稱「帥老頭」。至於素顏的靚靚就照舊省鏡，狀態甚好。另外，靚靚又網晒Chilam近照，其中一張背影照，見他身穿白色背心，大騷健碩身形，手臂肌肉線條明顯，甚有男人味，身材弗爆。