吳嘉儀過大禮 金器多到唔夠擺

藝人吳嘉儀（阿七）與圈外男友Leo將於8月拉埋天窗，昨日完成過大禮。為氹90歲祖母，他們跟足傳統做中式過大禮，拍照時更特地擺到成枱金器，當中有婚嫁五款金及新郎的三款金。阿七表示家人對過大禮十分滿意：「屋企人非常滿意呀，仲話張枱太細，差啲唔夠擺，早知買張長枱。」又指祖母最開心：「佢笑到『kaka』聲，差啲假牙都跌出嚟！希望呢份順利同開心可以延續到婚禮，最緊要開心！」