蔣怡擬送囡囡歐洲留學

藝人蔣怡（Coco）昨日現身書展，向小朋友說故事。她受訪時被問會講故事氹子女睡覺？她笑言：「我通常都係開個App畀佢哋聽，個App講普通話，等佢哋聽多啲。」她強調自己不是「虎媽」，子女暫時只學兩文三語：「等遲啲個女去歐洲留學，睇佢想學西班牙話定德文。（點解去歐洲留學？）因為佢對藝術比較有興趣，無論畫畫、陶瓷都啱。」 她又指囡囡到內地參加夏令營：「佢去一個禮拜，爸爸陪咗佢去，但唔會全程一齊。佢早晚都有打電話畀我，我都掛住佢嘅。」