張頴康續約無綫：我點會唔簽？

近日傳出張頴康有意離開效力了17年的無綫，加上太太麥雅緻公開表示會支持丈夫決定，令傳聞甚囂塵上，不過原來他早於幾個月前已動筆續約，合約為期幾年，無綫除了人工照加，還為他物色「男一」劇集。張頴康昨日接受本報訪問，直言傳聞亦令公司誤會：「其實我都唔知點解有呢個傳聞，我點會唔簽？大家傾咗好短時間就決定繼續。（你有冇提出要求？）我有咩資格開條件？公司都不斷畀機會我，依家拍緊《逆天奇案2》，之後下月底尾又有新劇，檔期都排到出年4月。（但太太言論令外間覺得你唔簽！）佢唔可以代表我答任何嘢，重點佢想講係點都會支持我。」