周吉佩開班 粉絲報名Hea學

歌手周吉佩近日開辦工作室教唱歌，並把比賽獎座、曾經出過的專輯放在工作室，他說：「自己好鍾意教唱歌，直至《中年好聲音》之後，終於有呢個機會，記得前輩有講過，其實有個地方、有少少設備就可以教唱歌，最重要都係教佢哋嘅內容。（有冇粉絲為見你一面嚟學唱歌？）係有啲咁嘅學生，當我一開始話要開班，佢哋個個好踴躍去報名。有啲同學話其實輕輕地去教就可以，嚟呢度只係想Relax同開心去唱歌。」