前度榮升老竇鍾舒漫感安慰

歌手鍾舒漫（Sherman）偕胞妹鍾舒祺（Sukie）、衛蘭及孖生妹妹衛詩、王君馨前晚為蔣麗萍創辦的慈善音樂會任表演嘉賓，下月她們齊往美加宣道，Sherman和Sukie表示：「會去3星期，做分享同唱歌，成個流程都係由我哋5個度出嚟，開會傾咗7、8個鐘。（有冇拗撬？）見到5個人嘅真性情，王君馨好似大家姐，好彩有佢喺度，推動大家整整齊齊。」

提到Sherman的前男友吳浩康亦在場，她大方表示有跟對方打招呼，很開心他榮升爸爸。已婚的Sukie雖知老爺與奶奶恨抱孫，但自覺尚年輕，暫未有生育計劃。