崔碧珈撐真人演出具情感

女星崔碧珈曾拍攝數部外語電影，而且亦是電影監製，對於AI在電影業崛起搶演員飯碗，她認為科技先進某程度上是好事，但用於演戲方面倒不然：「可能我比較保守，覺得關於情感都係由真正嘅人類去做先會出到嗰種感覺，AI係取代唔到。況且唔好講演員，而係每個崗位、做唔同行業嘅人，佢哋為工作付出咗，絕對應該要收到合適嘅工資，否則咁樣係剝削。」

至於本身是美國演員工會會員的司徒鈺芸支持工會決定，認為要保障演藝人的薪酬及肖像權，同時要限制AI技術在業內的應用：「我之前都收過由AI寫嘅劇本，亦知道有群眾演員被採樣後，其他拍攝就由AI取代，只收得一日酬勞。依家只係影響群演，但唔知幾時會影響到主要演員，所以大家要團結抗議。」她坦言受罷工影響，有份參與的兩部荷里活電影要延期上映，因罷工期間不能做任何宣傳活動，全部跟電影相關的工作都要停擺。