個唱尾場忍唔住喊 Jer唔敢攞走兄弟「老婆」

男團MIRROR成員Jer一連四場演唱會前晚順利完成，尾場演出座無虛席，好兄弟魏浚笙更特意前來捧場。Jer先後邀得樂團「雷同二友」、「The Hertz」及吳林峰擔任表演嘉賓，與吳林峰訴說兄弟情時，更忍不住哽咽落淚。吳林峰將自己第一支結他當眾送給Jer做禮物：「當我迷失想放棄，望住佢就會諗以前捱得過，依家一定冇問題，佢等同我老婆！」Jer回道：「我唔敢攞走你老婆呀！」演唱會尾段，Jer不忘向台下送飛吻，又罕有地多謝家人，讓他義無反顧地去追夢。其後他叫攝影師上台幫手與歌迷影大合照留念。