賀怡雯難抵壓力退選

「翻版王祖賢」賀怡雯（Lea）昨日於社交網透露因個人問題退選港姐：「人生總得嘗試一次才知道是否不適合，不是嗎？通過這段時間的嘗試發現自己性格並沒有很適合，無法輕鬆面對媒體。」

無綫高層樂易玲昨日出席記者會時，透露Lea訓練期間感壓力，雖然曾鼓勵對方，亦跟賀媽媽通電話，希望Lea能夠面對壓力：「佢都唔係臨時通知，見佢訓練時開始跌Watt，話唔想連累成個團隊，亦缺席咗幾堂訓練，如果佢咁早期捱唔到，再走落去都係辛苦，所以我哋接受咗佢退出。佢年紀都係好細，今年未準備好，等佢再準備好啲先。（有後補名單？）唔會有，就係呢17位佳麗出發去越南。（再淘汰人？）暫時未有呢樣嘢。」