劉倩婷啪完骨精神晒

劉倩婷以慧妍雅集會長身份聯同唐麗球昨日出席兒童復康中心揭幕活動，她透露慧妍會撥捐60萬予該中心，為自閉症兒童提供免費中醫針灸治療，她笑言之前慧妍會員輪流讓醫師「啪」骨以感受對方的功力，「啪」完整個人精神不少：「我要工作又要湊小朋友，有媽媽手，長期都有啪骨。」另外，提到網上流傳一條唐麗球老公吳毅將在內地登台時突然發惡片段，原來只是扮惡跟觀眾互動，唐麗球坦言初時見到片段都嚇一跳：「佢個人都火爆，我以為佢真係同人鬧交，佢話成日都咁玩，只係搞氣氛。我唔擔心佢喺內地登台，佢好有自制，工作完就即刻走。」