滕麗名收周嘉洛做契仔攞着數

藝人滕麗名（阿滕）、文凱玲、黎燕珊及陳樂榣昨日出席養生館開幕活動，有份參演處境劇《愛．回家之開心速遞》的阿滕笑指日前播出的「大結局」是個美麗的誤會：「係啲觀眾成日想睇大結局，所以我哋先拍個大結局出嚟！其實未知拍到幾時，暫時去到年底都仲拍緊。」提到劇中兒子周嘉洛將回歸，她期待再次碰頭：「其實佢真係好乖，母親節有送花畀我，相士話我會契個仔，所以我就嚟同佢上契，契佢做仔都有着數，希望遲啲有機會一齊去旅行。」