李佳獲老公送包包慶生

「中年好聲音」李佳及吳大強昨出席公開活動，日前剛過45歲生日的李佳，透露當天獲羅啟豪邀請出席對方的粉絲聚會，而自己的歌迷會則鐵定22號為她補祝。談到生日願望，她透露：「想屋企人同自己都身體健康，同埋唱歌事業順利啲。（老公同囝囝們點同你慶祝？）好簡單咁食咗餐飯，佢哋送咗衫裙同包包畀我扮靚靚。」大強已完成劇集《非常檢控觀》的拍攝，他大感好玩，不過卻被對白考起。