高鈞賢除褲打針 嚇親姑娘

藝人高鈞賢完成《新聞女王》後，現正忙於拍攝《逆天奇案2》，與劇中女友馮盈盈更傳出緋聞。日前他突然於社交網貼文，指6月對他來說不是太好，但總算過了，他受訪時被問到是否因緋聞影響心情？他說：「唔係！只係之前積勞成疾，頂唔住生蛇，初頭覺得痛，以為係暗瘡。」看醫生時，護士為他打針卻發生趣事，他笑謂：「打針時姑娘問我左邊定右邊，我以為係打手，點知原來係打屁股，我咁大個仔都係第一次打Pat Pat，真係有啲愕然，當時O嘴望住佢，正準備除褲時，個姑娘見到我呢個動作，即刻話：『你拉低一邊得㗎嘞！』」