全職展Sing途 周吉佩5位數創業

《中年好聲音》唱將周吉佩（吉吉）、李佳、龍婷及丁文俊等前晚為節目《大笪地唱不停》錄影，吉吉透露已辭去之前的正職，並開設了音樂教室，現時全身投入當歌唱老師及歌手職業：「其實諗咗4、5年，疫情前已經諗住創業，參加咗個比賽係多咗學生嚟學唱歌，好多《中年2》參加者都有問我意見，甚至有唔識嘅人Send片叫我評價，我都有畀啲意見，之後有啲人直頭報名上堂。」他指有相識多年的前男歌手好友已報名參加，但大賣關子不欲透露詳情。