鄭裕玲周潤發又攬又錫

藝人鄭裕玲（嘟嘟）與周潤發當年主演的劇集《網中人》，被形容為經典CP，近日嘟嘟進軍網紅行列，將會開設個人專屬頻道，她在其社交平台上載宣傳短片，公布為她的頻道打響頭炮的嘉賓正是周潤發，兩人在鏡頭前老友鬼鬼，一見面就親切攬攬，更熱情地啜來啜去，周潤發搞鬼地以鄉音說：「你想唔想一路睇落去，佢又靚女，喺條村嘅村婦最靚係佢喇，家吓佢做咗網紅，唔識我啦，唔返嚟搵我啦，我希望呢個節目成功又成功。」最後搞笑地啜落嘟嘟個鼻哥。