馮允謙搵欣宜傾偈：佢需要空間！

歌手馮允謙（Jay）昨日現身活動，提到同公司的藝人鄭欣宜失聯兼停工近兩個月，經理人林珊珊指對方正在療傷，Jay對此表示私下有聯絡對方：「佢嘅情況我唔想講太多，佢需要空間，希望大家畀多啲空間佢，佢休息中，希望佢冇咩事，我都好掛住佢，想佢快啲返嚟。做藝人有時工作好忙，未必有時間休息，同埋會有煩惱，希望佢休息完返嚟，我會幫佢寫歌，但一定休息夠先返嚟，唔好咁Rush狀態，大家都好掛住佢把聲。（佢點回覆你？）我唔講太多大家傾過嘅嘢。」