虞書欣飛巴黎 購物狂上身

巴黎時裝周現正舉行，大批亞洲紅星都相繼現身，繼日前宋仲基、王嘉爾、魏浚笙到當地睇騷後，內地女星范冰冰胞弟范丞丞與「95後小花」虞書欣亦陸續到埗，並率先走入名店，期間范丞丞十足典型的男朋友一樣，坐埋一角呆等同行友人睇衫；相反虞書欣一入去就雙眼發光，火速睇中不少戰利品，一手攬住多件靚衫，再臂掛名牌手袋，購物狂「上身」！