袁文傑趕尾班車打卡冇濕身

巨型橡皮黃鴨相隔10年再度訪港，不過兩隻黃鴨已完成展出告別香港，藝人袁文傑日前趕及尾班車，趁早上開工前，孖太太張潔蓮（Jackeline）到場朝聖，雖然天氣不穩下大雨，幸袁文傑到埗後稍為停雨，兩公婆即把握時間拍照，以一對黃鴨作背景，攬實晒恩愛。他把照片上載社交網，並寫道：「黃小鴨，我終於來了！早兩日突然宣布到18號，Jackeline同我臨時決定今朝工作前去打卡，由出門口上車落住雨，落咗車停雨，影過合照後未夠8點又落雨，仲愈落愈勁……真係非常感恩，老天爺安排呢10分鐘時間畀我哋！」