李亦喬帶小學生 富士山攻頂

「牛雜妹」李亦喬早前飛到歐洲及馬爾代夫旅行，但她大嘆黑仔，在荷蘭第一天就被偷去名牌頸巾：「條頸巾幾千蚊㗎，絕版買唔番，真係肉都赤。」下月她會帶同十多名香港小學生去日本富士山登頂：「日本有幼稚園學生試過登頂，但香港小朋友好受保護，佢哋未有機會去試新挑戰，今次排除萬難帶領一班8至9歲嘅小朋友，希望可完成呢個壯舉。」相關過程會被拍成紀錄片在戲院放映。