Tyson Yoshi買定棺材自己用

歌手Tyson Yoshi昨日舉行全新大碟《2ND》發布會，除了推出實體CD、卡式錄音帶及黑膠碟外，還有一系列周邊單品，在紅雨信號下仍吸引近200粉絲排隊購買。講到推出的頸鏈以棺材為靈感，他笑言是自己將來的棺材：「個棺材喺我首歌《IF I DIE TONIGHT》嘅MV出現，個道具棺材本來放喺我個工作室，後來阿媽見到嚇到打嚟鬧我，我就將個棺材放咗喺道具倉，到我死嘅時候都係用呢個，我諗好少有人咁早設計定。」另外，Tyson希望下月跟女友外遊叉電：「去啲冇人去嘅地方或者住喺渡假屋，連Shopping都冇。（女友冇所謂？）佢最鍾意影相，畀個腳架佢就得。」