可宜火辣水着襲希臘老公變傷兵

混血靚女主持可宜與港隊籃球員老公鄭錦興正享受悠長假期，可宜在社交網分享這一個月的旅遊照，透露此行先到英國倫敦及蘇格蘭探親，再飛到希臘小島過二人世界，完成婚後「有拖無欠」的蜜月之旅。

等足兩年盡情Hea

他們兩年前結婚時因疫情嚴峻，各地尚未通關，故婚後苦等機會出埠旅行，可宜表示：「等咗兩年終於出發！我哋揀選希臘小島Santorini，享受勁Hea生活。」她又上載火紅色比堅尼照騷均勻身材，問到是否很滿意自己的身材？她笑言可能是角度問題：「曬黑咗，睇落firm啲，今次曬到史無前例咁黑，因為日日同陽光玩遊戲，每日就係出海玩同游水，喺酒店都喺私人泳池游水。」

可宜又去了地標Oia藍頂教堂拍了一輯飄逸的仙女下凡照，穿着一條長裙游走窄街小巷，她說：「不過呢度啲路凹凸不平，好多樓梯級，老公第二日就扭親腳，都有啲擔心會影響佢返嚟後比賽或者練波。」