宋宛穎爆妹妹讀醫 冇興趣選美

前港姐冠軍宋宛穎昨日出席寵物餐廳活動，剛踏入24歲的她透露日前返澳門與親友慶祝，因疫情關係，今年終有機會與孖生妹妹一齊切蛋糕。談到新一屆港姐進行複選，她大讚有不少高學歷、高質素的女士參加。問到為何不推薦妹妹參選？她笑言：「叫過啦，但佢冇興趣，同埋已經好多計劃，佢讀緊醫科，仲有兩年畢業，到時嚟香港做實習，妹妹話想主攻皮膚科。」