余潔滢拍被姦戲 傾掂唔使露

藝人林耀聲、余潔滢及李璨琛等昨日出席新片《我也是》開鏡，電影改編自2017年的真人真事，林耀聲扮演的性罪犯患有性格障礙及強迫症，犯案長達10年，最終在企圖強姦余潔滢時被捕。首次拍戲的余潔滢心情緊張：「強姦戲一早溝通咗點拍，冇裸露。（驚咗林耀聲？）我哋拍過MV，當時好Sweet，今次冇親熱鏡頭，估唔到首次拍戲就演咁沉重嘅角色。（請教家姐余香凝？）冇搵佢，畀佢休息吓。」並透露家姐預產期為10月。而林耀聲自爆有少少強迫症：「用廁紙一定要兩格，小動作好似拍大髀咁，都要雙數先肯停。」