江若琳誕5.8磅B仔

女星江若琳本月7日為丈夫蕭唯展誕下5.8磅重B仔Owen，B仔精靈可愛，甫出世已懂得嘟嘴氹人。新手媽咪昨日分享喜悅：「雖然你比我預期中早咗兩日出現，唔緊要，以後你嘅人生都可以好似咁，由你自己去決定。我知道呢個係你嘅選擇，我會永遠支持你尊重你，爸爸媽媽會成為你生命中最強大嘅後盾。」她透露分娩過程有少少驚險：「當下我只係知道要拚盡所有力氣去保護你，將你平安帶到嚟呢個世界，我哋合力完成啦！感謝你健健康康，平平安安！你嘅出現令我人生變得太完整同美好！」又笑指老公最初很慌張：「以為佢流流哋，點知到生產整個過程佢一直畀好大嘅支持我，喺我耳邊打氣，同我講：『咩都唔好擔心，加油Push！』」揚言要給他最大的掌聲。