林媽媽力撐囝囝勁：佢去邊度都會發光！

林作與媽媽王莉妮一向喜歡針鋒相對，如今林作因多口而被炒魷，林媽媽即企番兒子那邊力撐：「我一啲都唔擔心，阿仔係好有個性，佢想講嘅嘢係阻止唔到，東家唔撈咪撈西家，我個仔幾勁，要將佢睇做一粒金子，去邊度都會發光！擔心乜嘢呢！」對於林作的言論被全城圍插，問到會否勸他收斂一點？林媽媽說：「有！我哋有探討過呢個問題，阿仔話佢天生就係咁嘅性格，你叫我唔講嘢呢，就唔係叫『林作』。其實我個仔係唔使做，屋企又有樓畀佢收租，我得一粒仔，所有嘢畀晒佢都夠佢做一世二世祖。」