張敬軒備戰個唱 與世隔絕

歌手張敬軒近日推出新歌《隱形遊樂場》，大批粉絲舉辦應援活動，向來親民又愛錫粉絲的他卻未有親自到場。原來他因為開騷在即，為免染疫無奈「與世隔絕」，不過亦特意拍片及撰寫千字文答謝粉絲支持：「好多謝咁多嘅朋友仔喺過去嘅個幾月以及呢段時間開始為我開展咗各種支持新歌嘅各種活動。睇見大家所準備嘅物料同埋心思，真係好多好多心機同埋時間先至可以做得咁靚咁好，我覺得自己好幸福，好感恩有大家嘅愛錫！作為一個入咗行咁多年嘅人，仲有大家喺身邊嘅陪伴同埋支持，係好感恩嘅事！」