魯振順取消結婚女友變老母

有無綫「卡拉之星」之稱的魯振順，2020年重遇41年前認識的Julie，兩人一撻即着，火速發展成戀人，之後更認定終身，宣布會在2022年10月拉埋天窗，於主題公園舉行大型婚禮，當時更希望年過半百的女友能夠生B，可惜直至去年底一直沒有兩人擺酒的消息，近日更有傳他們分手！

魯振順日前受訪坦承打消了結婚念頭，但沒有分開，他謂：「主題公園擺酒太貴，同埋都唔想親友舟車勞頓。（分手？）唔係，佢係我老伴嚟㗎喇，只係佢好囉嗦，依家變咗我老母，我成日都係咁叫佢。（咁仲有冇夫妻之實？）呢啲順其自然，依家年紀大條腰好易閃親。」