高海寧「萬歲」200冬甩 為劇組提神

高海寧（高Ling）正跟佘詩曼、李施嬅等拍攝無綫新劇《新聞女王》，戲內戲外均是「一姐」的阿佘不時請食消夜，高Ling亦識做地禮尚往來，前晚在錄影廠拍攝大場口時，豪買200個冬甩為大家打氣，阿佘、李施嬅、何廣沛等在社交網開心Share，多謝她的心意。眾人最近不時拍至凌晨，冬甩大餐可謂苦中一點甜，高Ling受訪時說：「嗰晚拍到2900（凌晨5點），所以萬歲咗啲冬甩，但其實我係第一次萬歲，平時阿佘、馬國明就不停請我哋食好嘢！」