昔日東方與廖啟智合作 阮政峰似井底之蛙
阮政峰、寶珮如、方紹聰昨日為演出電影《世上只有爸爸好》宣傳，早前優先場陳敏兒與兩位兒子入場欣賞丈夫廖啟智遺作，政峰指能夠與智叔合作感到相當震撼，自己像井底之蛙，表現並不理想：「智叔平時好少講嘢，有程車上面佢主動問我訓練班學咗啲咩，為咗呢件事都崩潰咗3個月，佢話如果頭先場戲佢會選擇咁樣去做，智叔冇刻意講係想我將來有另一個演繹角度，而唔係要另一個智叔。」
寶珮如指與智叔拍攝第一場戲就要喊到崩潰，亦有向對方求教：「佢話唔使啦，做番自己嘅嘢就得。」講到好友溫裕紅不敵癌魔離世，她指過去幾年一班朋友一直陪伴對方，去到近月情況轉差：「佢腹腔個瘤好惡，不停長大好似大肚咁，亦唔可以躺平瞓覺，要不停做手術，為咗口福可以食嘢，半個月前做咗最後一次引流手術，為咗可以食到一啖嘢，之後捱多個幾月，佢主動同醫生講都攰啦，唔想再醫，佢依家返天家唔使受苦。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
