昔日東方陳星妤口快快自爆「失豬」？
藝人陳星妤及余思霆昨日參與無綫節目《咁你都唔識》錄影，談到劇集《一舞傾城》日前交代陳星妤月事來潮，未能成功「賣豬」，畫面被網民批評「太血腥」，陳星妤笑說：「工作人員覺得鮮色啲先似血，嘥咗好多時間準備同拍，因為啲假血好難清理，結果要一take完成！」對於「失豬」連日來成熱話，她口快快答說：「下個星期先冇咗，畀佢留耐啲啦，劇情好似帶番我去7、8年前咁，我20歲先初戀嘛。（即係你已『失豬』？）唔知呀！」
余思霆自言暫未有追求者，當被問到是否已準備隨時再墮愛河，她說：「拍拖可遇不可求。（你有乜擇偶條件？）一啲都唔係好高，感覺最重要，唔使靚仔，台灣仲有句說話，講靚仔老公特別難照顧。（唔揀靚仔？）又唔一定，最緊要佢好愛我。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
